Algemeen

Bedankt


Op vastelaovesmaondig, 12 fibberwari, höbbe weer eine fantastische daag moge belaeve in ós eige St. Joas.
Waat wore de weergode ós good gezindj. De hieël boerefemilie straoldje. Same ginge weer in ós nuuj nès door de straote van St. Joas. Oze ieërste stop woor biej ’t monument van De Bôkkeriejers. Ónger ’t genot van de klanke van de Noadkêpel van St. Joas,  höbbe weer geproost mit ein glaeske Sjrobbelèr. Daonao ginge weer nao De Herbergier, sjiek óm de bewoners ein traktatie te moge brènge. Weer krope weer op ós nès en zeen nao ’t Heukske gegange wo weer verwèndj waerde mit ein prachtig optreje van Harrie oet ’t Thomashoes. Waat woor hae good!
Toen waerdje ’t langzaam tiëd óm nao ’t Patronaat te gaon wo ein heerlijk boerebuffet klaor stóng väör eederein. Wie de inwèndige miens versterkt woor, woor ’t tiëd väör de trouwerie en zeen weer in de onèch mit elkaar verbónje.
Nao ein drökke en gezellige receptie höbbe weer toet in de late uurkes  gefieës op de meziek van DJ Maurice. Waat höbbe weer ein plezeer gehadj mit òs, ònechte, femilie, vrunj en eederein dae d’r biej woor dae daag.
Geer wille weer eederein, en in ’t bezònjer de boereraod, bedanke väör deze super sjoane, ónvergaetelijke daag.

Eric & Mientje.
|Doorsturen